Aktualitet

Prekëse në Ballsh/ Mësuesi shkon te varrezat, pi ilaçe dhe i jep fund jetës. Nuk përballoi dot vdekjen e gruas

Shkruar nga Liberale
Prekëse në Ballsh/ Mësuesi shkon te varrezat, pi ilaçe dhe

Një 60-vjeçar është gjetur i pajetë brenda ambienteve të varrezave në qytetin e Ballshit.

Nga informacionet paraprake dyshohet se ai ka konsumuar një sasi medikamentesh mjekësore.

Petrit Jaupaj, 60 vjeç, banues në këtë qytet, në gjendje në rënduar emocionale i ka dhënë fund jetës duke konsumuar fotoksinë pranë varrit të bashkëshortes së tij. Për pasojë 60-vjeçari është gjetur i vdekur nga qytetarë të tjerë në varrezat publike të Ballshit.

Mësohet se Petrit Jaupaj ishte mësues i lëndës së Bio-Kimisë në shkollën 9-vjeçare “5 Shkurti” të Ballshit, ndërsa rreth një vit e gjysmë më parë bashkëshortja e tij kishte ndërruar jetë si pasojë e një sëmundjeje të rëndë.

Grupi hetimor ndodhet në vendngajrje dhe po punon për sqarimin e plotë të rrethanave të ngjarjes.

“Në varrezat e qytetit të Ballshit, shtetasi P. J., 60 vjeç, dyshohet se ka konsumuar sasi medikamentesh mjekësore dhe për pasojë ka ndërruar jetë”, thuhet në njoftimin e policisë.

Liberale Newsroom

Poll
SHQIPENGLISH