Për 101 ditë rresht, Zelanda e Re nuk ka raportuar asnjë rast koronavirusi të transmetuar lokalisht.
Këto të dhëna janë përshëndetur si një moment historik domethënës nga kryeministrja e vendit, Jacinda Ardern.
Në vend ka vetëm 21 raste aktive me koronavirus dhe janë të gjitha raste të importuara nga personat që vijnë në Zelandën e Re. Ata janë në izolim.
Gjithsej, Zelanda e Re ka 1.219 të infektuar dhe 22 të vdekur që nga shkurti, një bilanc pozitiv nëse krahasohet me vendet e tjera.
Një bllokim i parakohshëm, kufizime të ashpra kufitare, mesazhe të efektshme shëndetësore dhe një program agresiv gjurmo-testo besohet të kenë ndihmuar në eliminimin e virusit në vend.
