Është zbardhur dëshmia e babait të 7-vjeçares Jonada Avdia, e cila u vra nga skafi që drejtohej nga Arjan Tase. Babai Bledar Avdia tregon momentet e fundit para se të humbiste vajzën e tij.
“Ishte ora rreth 14:00 dhe pranë bregut të detit isha duke u larë me vajzën. Në ato momente pashë një skaf të bardhë, me dy veta brenda tij. Skafi parkoi në bregun e plazhit pranë një hoteli dhe pashë që zbriti një vajzë dhe më pas një grua me dy fëmijë hipën në skaf dhe drejtuesi i skafit kaloi litarin me piketa dhe ishte duke lundruar në drejtimin ku po lahesha me vajzën. Erdhi në drejtimin tonë dhe hyri me shpejtësi të madhe dhe na ndau mua dhe vajzën. Unë u zhyta poshtë nën ujë dhe skafi goditi vajzën time me pjesën e motorit, duke e dëmtuar në të gjithë trupin. Skafi u largua, por pastaj skafisti u kthye, duke ndaluar skafin në breg”, mësohet të ketë thënë babai i 7-vjeçares në polici.
Kujtojmë se, ngjarja ndodhi katër ditë më parë, kur Arjan Tase me detyrë Shef i Policimit në Komunitet në Drejtorinë Vendore të Policisë Elbasan përplasi për vdekje 7 vjeçaren Jonada Avdia në plazhin e Potamit në Himarë.
Burimi: BW
