Lionel Messi do të largohet nga Paris Saint-Germain më 30 qershor, kur i skadon kontrata me kampionët francezë, por ndalesa e radhës – dhe ndoshta e fundit – në karrierën e tij të madhe mbetet e panjohur. Raportet spanjolle thonë se është çështje orësh përpara se të merret një vendim përfundimtar për të ardhmen e tij, me Barcelonën që mbetet në lojë, por nuk ka paraqitur një ofertë zyrtare dhe Arabia Saudite ofron tokë dhe ujë për ta bërë atë të tyren.
Sipas “footmercato” Jorge Messi pranoi një ofertë prej 1.2 miliardë eurosh për djalin e tij nga Al Hilal!
Ndërsa rivali i tij i përjetshëm Cristiano Ronaldo iu bashkua Al Nasr-it këtë dimër, Messi, i cili ende po e mban të hapur linjën e komunikimit me Barcelonën e tij të dashur, ka në duart e tij ofertën më të madhe të bërë ndonjëherë në historinë e sportit.
Zgjedhja e parë e asit të lindur në Rosario ka qenë gjithmonë Barcelona, por pasiguritë rreth planit të qëndrueshmërisë së klubit katalanas e kanë detyruar lojtarin të kërkojë opsione të tjera. Madje në raportin e “footmercato” përmendet se babai i tij tashmë ka pranuar ofertën e kontratës nga Al Hilal. Javët e ardhshme do të jenë vendimtare në lidhje me kërcimin e fundit të argjentinasit të madh.
