Kryetari i Bashkisë së Tiranës, Erion Veliaj ka lënë para pak minutash Bllokun e Sigurisë “Mine Peza” teksa është shoqëruar për në ambientet e Gjykatës së Posaçme.
Ndërkohë seanca ndaj tij pritet të fillojë në orën 08:30 ku do të rivlerësohet nga trupa gjykuese masa e sigurisë e vendosur ndaj tij.
Në ambientet e jashtme të GJKKO-së janë mbledhur dhjetëra qytetarë dhe punonjës të bashkisë, që kanë pritur me duartrokitje dhe brohoritje Veliajn.
Më herët në ambientet e Gjykatës së Posaçme ka mbërritur dhe bashkëshortja e tij, Ajola Xoxa, e shoqëruar nga policët.
