Trupi i 22-vjeçares me origjinë shqiptare, Ilaria Sula, u gjet në një zonë të pyllëzuar në Poli: ishte mbyllur në një valixhe në fund të një shkëmbi.

Policia u dërgua atje nga ish-i dashuri filipinas, Marc Samson, student i arkitekturës dhe punonte si kamerier në McDonald's, i arrestuar për vrasje dhe fshehje të kufomës. 

23-vjeçari ka pranuar vrasjen e shqiptares, duke thënë se e ka goditur disa herë me thikë, trupin e futi në një valixhe dhe e hodhi në një zonë të pyllëzuar. 

Edhe tabulatet telefonike të vajzës duket se e kanë inkriminuar.

Policia italiane kontrolloi mëngjesin e së mërkurën banesën e tij, ku jetonte me prindërit, një çift që jetonte prej vitesh në Itali. Nëna ishte shtëpiake, ndërsa i ati punon në një shtëpi borgjeze romane. Miqtë e familjes e përshkruajnë të riun si një djalë të mirë, dhe prindërit e tij po ashtu. 

"Marku ishte një djalë shumë i mirë. Ai sapo ishte diplomuar për arkitekturë, prindërit e tij janë njerëz shumë të mirë”, deklaroi një mik i familjes, gjithashtu filipinas. 

Një tjetër thotë se nëna e tij kishte bërë një operacion në zemër disa kohë më parë. 

"Nëna kishte një operacion në zemër disa kohë më parë. Nuk mund ta besoj që ka ndodhur diçka e tillë. Ndonjëherë prindërit janë në rrezik për fëmijët e tyre.", u shpreh 78-vjeçarja Maria Pia.

Në ditët e zhdukjes së saj, 23-vjeçari dyshohet se përdori celularin e të resë për të postuar story  në profilin e rrjeteve sociale të Ilaria-s, duke ngatërruar hetimet.