Aktualitet

Shënohet viktima e parë nga zjarret në Shqipëri

               Publikuar në : 17:30 - 03/08/21 liberale

Në Shqipëri është regjistruar viktima e parë nga zjarret. Burime konfirmojnë për “Panorama.al” se një i moshuar ka humbur jetën nga flakët në fshatin Asim Zeneli në qarkun e Gjirokastrës.

Ndërkaq ka marrë djegie në trup edhe gruaja e të ndjerit, ndërsa ishin duke luftuar me flakët.

Ndërkaq, ka nisur evakuimi i banorëve në dy fshatrat Arshi Lëngo dhe Asim Zeneli, ku situata paraqitet më e agravuar. Forcat e Armatosura kanë ndërhyrë mes tymit të shumtë që ka mbuluar zonën duke evakuuar banorët.

Një reagim erdhi më herët edhe nga ministri i Mbrojtjes Niko Peleshi, i cili e cilësoi si të rrezikshme vatrën në Lunxhëri-Antigone, duke u bërë thirrje banorëve që të zbatojnë urdhrin për evakuim.

Tags: ,


KOMENTO (0)

Shkruaj nje koment

Your email address will not be published. Required fields are marked *

* *

Back