Globi

Pronari del nga pastiçeria, nuk ndihet mirë, ndërron jetë sapo mbërrin në spital

Shkruar nga Liberale
Pronari del nga pastiçeria, nuk ndihet mirë, ndërron jetë

Sapo kishte dalë nga zyra për të shkuar në shtëpi, kur ndjeu një dhimbje të fortë në gjoks dhe kërkoi ndihmë. I ndihmuar dhe dërguar në spital i ndërgjegjshëm, ai më pas ndërroi jetë. Sandro Ferraresso ishte 49 vjeç. Kishte shumë pasion për punën e tij, të cilën po fillonte ta zhvillonte, dhe shumë dashuri për familjen, gruan Barbara dhe vajzat e tij, si dhe një fizik i mirë, aq sa ishte bërë më herët pjesë e shërbimit ushtarak, në një repart të rëndësishëm, si ai i parashutistëve Folgore, një nga repartet e mëdha që Forcat e Armatosura. Për këtë arsye tragjedia i ka lënë të gjithë të tronditur dhe të habitur, duke u kapur fort pas dhimbjes që po përjeton familja. Lajmi bëhet i ditur nga Il Gazzettino.

Gjithmonë gjendej duke punuar në degën e sigurisë private. E kishte zyrën jo shumë larg qendrës së qytetit. Një zonë shumë e frekuentuar ku kishte ngritur pastiçerinë. Kryesisht një biznes familjar. Ishte ora 20:00 e pak minuta kur ndodhi ngjarja. Sandro sapo zbriti shkallët për t'u kthyer në shtëpi, kur ndihet i sëmurë. Ai sheh se brenda në pastiçeri ka ende njerëz, pavarësisht se tashmë biznesi është i mbyllur për publikun, ndaj dhe troket në dritare për të tërhequr vëmendjen. U thotë se nuk ndihet mirë, ka nevojë për ndihmë. Alarmi jepet menjëherë, ndërsa ofrohet edhe ndihma e parë. Sandro është i ndërgjegjshëm, flet me këdo që e ndihmon; pak minuta dhe, nga urgjenca e qytetit, mbërrin ambulanca, me personelin që e merr dhe e çon në spital, duke i dhënë mjekimin e nevojshëm. Por, sapo mbërriti në spital, ai ndërroi jetë. Sëmundja që e goditi ishte fatale. Ekspertiza do të zbulojë shkaqet e vdekjes së papritur. Lajmi goditi dhe trishtoi shumë njerëz që e njihnin dhe e donin Ferraresson.

/Liberale.al/

Liberale Newsroom

Poll
SHQIPENGLISH