Pesë të rinj nga Gjakova të mbështetur nga Fondacioni ‘Bonevet’ dhe disa donatorë të tjerë, kanë ndërtuar një makinë elektrike të quajtur “Electric Buggy”.
Ata synojnë që projekti i tyre të zgjerohet në të ardhmen, për të mbrojtur ambientin.
Të rinjtë pohuan për Radion Europa e Lirë, se kanë në plan të ndërtojnë disa të tilla dhe në bashkëpunim me komunën e Gjakovës, ta mbyllin Carshinë e vjetër për makinat me benzinë dhe naftë, ndotja e të cilave është e madhe, dhe aty të përdoren vetëm makinat elektrike.
Ata duan që kjo zonë tregtare, e cila është praktikisht zemra ekonomike e Gjakovës, të mbrohet nga ndotja e zhurmat.
Projekti nisi në vitin 2017, kur ata ishin ata ishin 16 dhe 17 vjeç. Të rinjtë mblodhën pjesët e një makine të vjetër ndërsa baterinë e motorin e blenë jashtë Kosovës.
Të rinjtë shprehen se dizajni për makinat e tjera që do të ndërtojnë, do të jetë më ndryshe, duke ardhur në përmirësim./Gazeta Liberale
