Mjeku dhe e bija u infektuan me virus: Ja simptomat

Mjeku nga Prishtina, Jetish Jetishi u infektua me koronavirus ndërsa ishte në krye të detyrës në repartin e emergjencave.

“Gjendja ime është shumë e mirë. Gjendja ime u përmirësua në ditët e fundit që isha shtrirë në klinikë, tani s’kam asnjë problem. Kisha lodhje jo të zakonshme, dhimbje muskujsh dhe humbje oreksi, çrregullim të nuhajtes. Këto ishin shenjat që më bënë të distancohem, jo se i frikësohesha sëmundjes. Kam njohri në lidhje me sëmundjen dhe jeta që kam bërë më përpara ka qenë e shëndetshme, s’kam pas probleme shëndetësore dhe e dija që mund ta mposht. U mbylla ne apartamentin tim një natë dhe më pas shkova në apartament tjetër dhe më aty mora përgjigjen se isha pozitiv. U konsultova me kolegët e mi mjekë në Prishtinë, që më rekomanduan të shtrohesha në klinikë,”, tha mjeku në një lidhje në Skype.

Mjeku tregoi se edhe vajza e tij 20 vjeçare, studente e mjekësisë gjithashtu u infektua dhe e mori vesh lajmin ndërsa ishte në punë.

“Vajza ka pasur simptoma të lehta dhe është studente e mjekësisë. Kur isha në klinikë aty mora lajmin se ishte pozitive. U shqetësova, por e dija që mund ta përballojë duke iu përmbajtur rregullave. Duhet të ushqehet rregullisht, të fleje gjumë rregullisht dhe në aspektin psikologjik të jetë i fortë, vetëm në këtë mënyrë mund ta mundësh. Jemi konsultuar vazhdimisht, kemi matur parametrat jetësorë duke nisur nga temperaturat”, – përfundoi Jetishi i cili fatmirësisht tashmë ndodhet në gjendje të mirë. /Gazeta Liberale

Tags: koronavirus, mjeku nga kosova, vajza