Pep Guardiola, trajneri i Mançester Sitit u shfaq i lënduar pas barazimit 3-3 të skuadrës së tij me Feyenoord në Ligën e Kampionëve të UEFA-s.
Guardiola u gjend në kritika pasi skuadra e tij nuk arriti të fitojë ndeshjen e gjashtë radhazi. Megjithatë, kjo nuk kishte të bënte me paraqitjet në fushë të skuadrës së tij, por më tepër me një koment që katalunasi kishte bërë në intervistën e dhënë pas ndeshjes. Trajneri është shfaqur në intervistë me gërvishtje të ndryshme në fytyrë dhe i pyetur për to ka komentuar se i pëlqen të dëmtojë veten, shoqëruar komentin me një buzëqeshje.
Pep më pas ka lëshuar një deklaratë duke sqaruar një koment që ai bëri gjatë një konference për shtyp pas ndeshjes pas barazimit dramatik 3-3 të ekipit të tij me Feyenoord në Ligën e Kampionëve.
Fillimisht ai tha se ka dëmtuar veten.
Pas bujës që shkaktoi kjo deklaratë, Guardiola lëshoi një sqarim në rrjetet sociale të mërkurën.
"Më ka kapur i befasuar me një pyetje në fund të konferencës për shtyp në lidhje me gërvishtjet në fytyrën time dhe i shpjegova se një aksident e shkaktoi aksidentalisht këtë. Përgjigja ime nuk kishte për qëllim të minimizonte një çështje kaq serioze si vetëlëndimi" komentoi ai.
"Unë e di se shumë njerëz luftojnë me çështje të shëndetit mendor dhe dua të theksoj rëndësinë e kërkimit të ndihmës," shtoi ai, duke ndarë informacionin e kontaktit për organizatat mbështetëse.
Manchester City, pas këtij barazimi, e zgjati serinë e tyre pa fitore në gjashtë ndeshje, me pesë humbje dhe një barazim. Këtë të dielë ‘Blutë’ do të vizitojnë Anfield-in, me mundësi që të bien njëmbëdhjetë pikë pas Liverpool-it.
Mbajtësit në fuqi të Ligës së Kampionëve dukeshin në rrugën e duhur për një fitore të rehatshme, duke udhëhequr 3-0 derisa një kolaps i vonshëm i mbrojtjes i lejoi Feyenoord të shënonte tre gola pas minutës së 75-të, duke e çuar takimin në barazim.
