Showbiz

“Kristin e masakruan”, Robert Aliaj rrëfen tmerrin si emigrant në Greqi: Më ftuan në studio dhe më arrestuan pas sherrit me priftin

Shkruar nga Liberale

“Kristin e masakruan”, Robert Aliaj rrëfen tmerrin si emigrant

Robert Aliaj Dragot, banori i ri i “Ferma VIP” ka folur për herë të parë për jetën e tij si emigrant në Greqi. Ai tha se jetoi në shtetin fqinj për 6 vite, por gjatë kohës që ishte atje u arrestua dhe kjo bëri që të largohej nga Greqia.

Siç tregoi, ai u arrestua pasi u “përplas” me një prift grek. Ai tha se u ftua për një intervistë dhe në studio ndodhej dhe prifti, me të cilin debatoi.

Fermeri tha se ky i fundit, i foli me një gjuhë diskriminuese, gjë që dërgoi në një konflikt mes tyre.

Roberti tregoi se i tha priftit se një “njeri i Zotit” nuk duhet të flas në këtë mënyrë dhe se ai nuk është “anti-shqiptar”, por “anti-grek”.

Fermeri tha se kjo intervistë la një gjurmë për shqiptarët që jetonin në Greqi, por nuk ekziston më.

“Kam jetuar gati 6 vjet në Greqi, ia kam kaluar shumë mirë. Kam pasur lidhje të mira shoqërore, deri sa më ftuan në një emision televiziv. U ftova për intervistë, ku në studio ndodhej edhe një prift, i cili denigroi gjatë intervistës. Më foli në një gjuhë shumë raciste, me një diskriminim të pastër. I thashë ti je prift je “njeri i Zotit”, ti predikon paqe, por po flet me urrejtje, ti nuk je “anti-shqiptar”, por “anti-grek”. Ishte një përplasje shumë e madhe dhe pasi mbarova intervistën u arrestova. Videoja nuk ekziston më sepse bëhet fjalë për vitet 1994, por ishte një intervistë që bëri bujë në ato kohë, u pa nga shumë shqiptarë që jetonin në Greqi”-tha Roberti.

Ai u shpreh se pasi dha intervistën në televizionin grek gjërat u bënë të vështira për të. Roberti tha se Kristi ishte 5 vjeç kur shkoi policia në shtëpi, por ai nuk ndodhej aty.

Gjithashtu edhe gazetari shqiptar i BBC u dhunua, ku mori 62 fraktura në kokë.

‘Jam trajtuar shumë keq. Kristin e masakruan, ishte 5 vjeç. Ndërsa gazetarin e BBC-së i bën 62 fraktura në kokë. Unë nuk isha në shtëpi kur ndodhi kjo’. -përfundoi ai.

Liberale Newsroom

Poll
SHQIPENGLISH