Showbiz

"Jam ngacmuar në moshën 5-vjeçare", Melisa trondit me rrëfimin e saj: Pastaj më ndodhi për herë të dytë

Shkruar nga Liberale
"Jam ngacmuar në moshën 5-vjeçare", Melisa trondit me

Publiku shqiptar e njeh Melisa Lleshin si vajza e "Përputhen" dhe më pas konkurrentja e  "Dance Albania", ku ishte një nga favoritet për çmimin e parë, i cili u rrëmbye më pas nga këngëtarja Adelina Tahiri.

Së fundi, Melisa është bërë pjesë e “Big Brother VIP Kosova”, ku publiku shqiptar po njeh edhe pjesë të tjera të karakterit të kësaj vajze.

Ajo ka treguar se ka pasur një fëmijëri të vështirë dhe se ka vuajtur nga ankthi, prandaj është mbyllur shumë në vetvete. Ditë me radhë, ajo i ka kaluar në shtëpi dhe në pamundësi për t’i shpjeguar të tjerëve ndjesitë e saj.

Melisa shprehej se zhgënjimet e njëpasnjëshme nga personat e afërt dhe komentet e publikut, i kishin ndikuar në atë gjendje. Për të ndihmuar veten, ajo kishte ndjekur seanca në një psikolog, ndërsa më vonë kishte kryer terapi.

“E kam menduar që nuk e meritoj të jetoj. Kam tentuar, deri aty sa seriozisht e kam parë veten në rrezik. U verbova komplet dhe u mbylla shumë më shumë, sa vura re tek vetja që harrova shumë gjëra. Nuk mbaja mend shoqërinë time të vogël, shumë ngjarje. Nuk mbaja mend pse i kisha disa frikëra.

Në terapi, m’u kujtua që kur kam qenë 5 vjeç, jam ngacmuar seksualisht. Kur i mendoj tani të gjitha momentet… një mashkull plot epsh që nuk e shihte se isha thjesht një fëmijë! Falë Zotit nuk jam përdhunuar, por më besoni që nuk është aq e lehtë. Kam menduar me vete që është diçka që duhet ta fsheh, që është diçka që kalon se s’duhet të shkaktoja probleme. Pastaj më ndodhi për herë të dytë, kur kam qenë më e rritur. Kjo ka qenë arsyeja që unë kam ikur nga qyteti ku isha, që të jetoja vetëm. Mendoja se të gjithë më shohin në atë mënyrë…”

Liberale Newsroom

Poll
SHQIPENGLISH