Showbiz

Harry dhe Meghan vallëzojnë dhe pinë në koncert, 16 ditë pas funeralit të Mbretëreshës

Shkruar nga Liberale

Princi Harry dhe Meghan Markle shijuan një natë në një koncert të Jack Johnson këtë javë, duke u filmuar kështu për herë të parë që nga kthimi në SHBA pas funeralit të Mbretëreshës Elizabeth.

Duka dhe Dukesha e Sussex-it u panë në koncertin e këngëtarit amerikan, i njohur për hitin e tij të vitit 2006 'Better Together', i cili performoi në Santa Barbara Bowl në Kaliforni.

Dyshja ishin në një seksion privat të koncertit mbrëmjen e së mërkurës me dhjetë persona të tjerë, me të cilët u panë duke biseduar.

Sipas TMZ, Harry dhe Meghan vallëzuan gjatë koncertit. Sussex-ët u fotografuan edhe me artistë të tjerë, përfshirë këngëtaren Paula Fuga dhe Ron Artis II.

Kjo ishte hera e parë që çifti u shfaq në publik që nga funerali i Mbretëreshës Elizabeth në Londër më 19 shtator.

Kujtojmë se pak ditë pas publikimit të një fotoje zyrtare të familjes mbretërore, Princi Harry dhe Meghan Markle dhanë përgjigjen e tyre, duke postuar foton e vet./Liberale.al

Liberale Newsroom

Poll
SHQIPENGLISH