Sport

Gruaja e Michael Schumacher shet rezidencën e tyre luksoze

Shkruar nga Liberale
Gruaja e Michael Schumacher shet rezidencën e tyre luksoze

Gruaja e Michael Schumacher thuhet se po shet rezidencën e tyre në brigjet e liqenit të Gjenevës në Zvicër.

Sipas raporteve të mediave, shtëpia e luksoze prej 20,000 metrash katrorë është në treg për një shumë të mirë prej 6.4 milion £.

Michael dhe Corinna blenë pronën për 3 milion £ në 2002, por çifti thuhet se janë zhvendosur pasi legjenda e F1 vazhdon shërimin e tij nga dëmtimet që ndryshuan jetën, të pësuara në një aksident me ski në 2013.

Kompleksi i gjerë i Liqenit të Gjenevës është përshkruar si një pronë e jashtëzakonshme në një vend të qetë dhe të mbrojtur.

Prona përfshin tre ndërtesa të ndryshme, shtëpia kryesore, një shtëpi për mysafirët dhe një zyrë që thuhet se ishte përdorur nga vetë asi i Ferrarit.

Schumacher kuptohet që tani jeton në një rezidencë 27 milion £ që ishte në pronësi më parë nga Presidenti i Real Madrid Florentino Perez. Informacioni mbi gjendjen e 52-vjeçarit është i pakët, megjithëse presidenti i FIA-s Jean Todt dha dy informacione pozitive vitin e kaluar për ndryshimin e tij.

“Lufta e tij vazhdon, së bashku me familjen dhe mjekët e tij. E vizitoj Michael rregullisht dhe ne shikojmë TV së bashku. Michael është në duart më të mira dhe ka një kujdes të madh në shtëpinë e tij, nuk dorëzohet dhe vazhdon të luftojë”, është shprehur Todt gazetës De Telegraaf.

Schumacher është një nga legjendat e F1 që ka fituar shtatë tituj botërorë. Heroi gjerman fitoi gjithsej 91 gara për një periudhë që zgjati 21 vjet, me një pushim midis 2006 dhe 2010

Poll
SHQIPENGLISH