Forcat RENEA kanë vënë në pranga një person i konsideruar me rrezikshmëri të lartë shoqërore dhe me precedentë penalë.
I arrestuari me emrin Agim Gjata ishte në kërkim për armëmbajtje pa leje dhe forcat e policisë organizuan aksionin për kapjen e tij sapo morën informacion se po futej në banesë.
Në momentin që forcat e policisë kanë rrethuar banesën dhe i kanë bërë thirrje për t’u dorëzuar, 49-vjeçari ka qëlluar me armë zjarri në drejtim të uniformave blu.
Fatmirësisht nuk pati asnjë të lënduar nga të shtënat me armë. 49-vjeçari ka qenë më parë person i dënuar për vrasje.
Në shtëpinë e tij u sekuestrua arma e zjarrit kallashnikov si dhe një armë zjarri tjetër pistoletë dhe një palë dylbi.
Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.
