Aktualitet

E turpshme! Aktorin e madh e bëjnë të vdekur për herë të dytë, Mirush Kabashi shëndoshë e mirë reagon dhe uron shqiptarët

Shkruar nga Liberale

Është ndoshta një tjetër rast, që provon edhe një herë tjetër se disa nga mediat online të cilat janë shtuar si “kërpudhat” gjatë viteve të fundit, aq sa nuk mbajnë asnjë përgjegjësi, nuk kanë asnjë qasje me misionin mediatik dhe akoma më pak me etikën, nuk duhet të ekzistojnë.

Për të dytën herë disa media online e kanë bërë të vdekur aktorin e njohur, Mirush Kabashi.

Së fundmi po qarkullojnë lajme se aktori i njohur është ndarë nga jeta, lajm i cili rezulton të jetë sërish i pa vërtetë.

Vetë aktori ka uruar shqiptarët për Vitin e Ri, krah një fotoje me bashkëshorten ku duket më në formë se asnjëherë më parë. “Gëzuar Vitin e Ri 2023. Shëndet, mbarësi e suksese”, shkruan aktori.

Në rastin e kaluar, ai i falë gazetarët që shkruan se kishte vdekur, duke i quajtur ato gabime njerëzore, por tha se duhet të jenë pak të kujdesshëm. Në rrjetet sociale dashamirës dhe miq të aktorit të madh kanë reaguar të indinjuar ndaj lajmit.

Liberale Newsroom

Poll
SHQIPENGLISH