Është rrëzuar kërkesa për përjashtimin e gjyqtares Irena Gjoka nga çështja “Partizani”.
Kërkesa e palës mbrojtëse të ish-kryeministrit Sali Berisha është rrëzuar nga gjyqtarja Flora Hajredini.
Pala mbrojtëse e Ish-kryeministrit e dorëzoi sot paradite shkresën zyrtare për përjashtimin e Gjokës nga gjykimi i kërkesës penale të SPAK për marrjen në pyetje të Berishës.
Në një dalje për mediat, Berisha ka hedhur një sërë akuzash ndaj Gjokës, duke e cilësuar “kriminele me uniformë që zbaton urdhrat e Ramës dhe që ka shkruar Kushtetutën në tavolinën e saj.”
Kujtojmë se Berisha akuzohet për korrupsion pasiv sa i takon aferës së privatizimit të ish-klubit sportiv “Partizani”, ndërkohë që dhëndri i tij Jamarbër Malltezi ndodhet në burg.
