Mëngjesin e kësaj të mërkure u gjet trupi i pajetë i Ilaria Sulës, shqiptares 22-vjeçare, e cila u zhduk më 25 mars nga shtëpia ku jetonte në lagjen Furio Camillo, në Romë.
Trupi i të resë u gjet në një zonë të pyllëzuar në fund të një shkëmbi pranë Bashkisë së Polit, në juglindje të kryeqytetit, brenda një valixhe. Ajo do të ishte goditur me thikë për vdekje.
Policia arrestoi ish-të dashurin e vajzës, një 23-vjeçar, me origjinë filipinase. Hetimet e hetuesve të Policisë së Shtetit, skuadrës fluturuese të Romës dhe stacionit policor San Lorenzo u fokusuan menjëherë tek i dashuri.
