Një krim tronditës ka ndodhur në Meksikë, ku 7 persona janë gjetur të vdekur brenda një makine.
Sipas mediave t huaja, ngjarja ka ndodhur në zonë e Pueblas, teksa 5 prej viktimave u ishte prerë koka dhe një tjetër ishte copëtuar plotësisht. Ato u gjetën në një makinë të lënë në mes të trafikut në një rrugë kryesore.
Prokurorët thanë se të gjithë trupat mbanin mesazhe që supozohej se përshkruanin arsyet e vrasjes së secilit. Secili ishte akuzuar për kryerjen e një krimi të veçantë, nga marrja e drogës në rrugë, grabitja e kamionëve të mallrave e deri te zhvatja, thanë prokurorët.
“Në secilin prej trupave, ne gjetëm mesazhe të shkruara me dorë në letër, secila duke detajuar arsyen e vrasjes së tyre”, tha kryeprokurori Gilberto Higuera.
Higuera nuk përmendi nëse vdekjet mund të lidhen me kartelet e drogës. Ai tha se makina e vjedhur ishte lënë në mes të trafikut në autostradë.
