Presidenti i Shteteve të Bashkuara të Amerikës, Donald Trump njoftoi planet për tarifa gjithëpërfshirëse reciproke të mërkurën, duke thënë se “vendi është plaçkitur dhe vjedhur” nga kombet e tjera.
Por, nga 180 vende, përfshirë aleatët e SHBA-së, që tani po goditen me tarifa hakmarrëse, Rusia nuk është në listë.
Pas njoftimit të vendimit të Trump, një zyrtar i Shtëpisë së Bardhë deklaroi se Rusia “nuk është në këtë listë, sepse sanksionet nga lufta në Ukrainë tashmë e kanë dërguar tregtinë midis dy vendeve në zero.”
Bëhet e ditur se Ukraina do të përballet me një tarifë prej 10%.
Bjellorusia, Kuba dhe Koreja e Veriut, vende të tjera që përballen me sanksione amerikane, gjithashtu nuk u goditën me tarifa reciproke, shkruajnë mediat e huaja.
