Një aksident tragjik raportohet se ja ndodhur mbrëmjen e kësaj të enjte në Maqedoninë e Veriut ku si pasojë kanë humbur jetën tre anëtarë të një familje.
Një makinë ka përfunduar në Lumin Vardar, në rrugën Rashçe-Saraj.
Në automjet ndodheshin pesë persona të familjes Asllani nga Gërçeçi, dy të moshuar, djali i tyre dhe nusja e djalit. Gjithashtu edhe një i mitur (5 vjeç).
Sipas mediave vendase, tre persona kanë humbur jetën, ndërsa theksohet se fëmija i mitur ka arritur të dalë nga makina dhe është gjetur nga kalimtarët i cili më pas është transportuar në spital në Shkup.
Autoritetet po punojnë për zbardhjen e plotë të këtij aksidenti tragjik.
