Të shtëna me armë zjarri janë dëgjuar pranë Muzeut Nazist dhe konsullatës izraelite, e cila ndodhet në qendër të Mynihut.

Medit e huaja shkruajnë se policia ka qëlluar në drejtim të një personi të dyshimtë.

Autoritetet u kanë kërkuar qytetarëve që të shmangin zonën ku janë dëgjuar të shtënat me armë.

Në një video, e cila qarkullon në rrjetet sociale dëgjohen të shtëna të shumta.

Të njëjtat media raportuan se më herët, sulmuesi i dyshuar kishte qëlluar dy herë në Qendrën e Dokumentacionit, por ky informacion nuk është konfirmuar nga autoritetet.

Këta të fundit iu kanë bërë thirrje qytetarëve që të shmangin qendrën.