Deputetja britanike Alicia Kearns ka deklaruar se Presidenti i Serbisë Aleksandër Vuçiç e ka kërcënuar me jetë.
Në një deklaratë për BBC, Kearns u shpreh se kërcënimin e ka marrë në qershor, por theksoi se kur këta njerëz tentojnë ta sulmojnë, kërcënimi fizik nuk është aq i lartë sa ndaj atyre që jetojnë brenda atij vendi.
"Presidenti serb më kërcënoi në qershor, kështu ndodh. Por unë jam shumë me fat sepse kur këta njerëz tentojnë të më sulmojnë, kërcënimi fizik nuk është aq i lartë sa është për ata brenda vendeve të tyre. E kam për detyrë të jem e guximshme”, ka thënë deputetja Alicia Kearns.
