Një ngjarje e pazakontë ka ndodhur në Greqi. Këngëtari grek i cili u kthye në shtëpi iu desh të përballej me pamjen e shkatërruar të banesës së tij në Petralone.
Kjo pasi disa hajdutë ishin futur në banesën e tij, ku përveç “gërmimit” në çdo sirtar, kishin bërë dhe dush. Ata janë larguar duke lënë pas rrëmujën e bërë në banesën e tij.
Ka qenë vetë muzikanti i cili ka publikuar pamjet shkatërruese të shtëpisë së tij.
“Ju hajdutët rruheni dhe laheni në shtëpinë tuaj?” shkroi ai në TikTok. Sipas postimit të tij në rrjetet sociale hajdutët i kanë marrë disa pajisje që ai përdor në muzikën e tij, me vlerë qindra euro.
