Izraeli ka kryer dhjetëra sulme ajrore ndaj Iranit dhe ka shpallur gjendje të jashtëzakonshme në vend, ndërsa përgatitet për hakmarrje.

Ushtria e saj tha se kishte nisur një “ofensivë parandaluese, e saktë dhe e kombinuar e bazuar në inteligjencë me cilësi të lartë” – e quajtur Operacioni “Lion në Ngritje”.

“Dhjetëra avionë të Forcave Ajrore IRA përfunduan fazën e parë që përfshinte sulme ndaj dhjetëra objektivave ushtarake, duke përfshirë objektiva bërthamore në zona të ndryshme të Iranit ”, thuhet në një deklaratë, raporton Sky News.

Kryeministri Benjamin Netanyahu tha se sulmi kishte për qëllim “të zvogëlojë kërcënimin iranian ndaj mbijetesës së Izraelit ” dhe do të zgjasë “për aq ditë sa duhen për të hequr kërcënimin”.

Mediat shtetërore iraniane raportuan se kreu i Gardës Revolucionare të fuqishme të vendit, Hossein Salami, ishte vrarë.

Mediat shtetërore raportuan shpërthime në verilindje të kryeqytetit Teheran herët të premten dhe thanë se ndërtesat që i përkisnin forcave të armatosura u goditën në kompleksin Mahalati në veri të qytetit.

Udhëheqësi suprem i vendit, Ajatollah Ali Khamenei, paralajmëroi për "ndëshkime të ashpra" dhe pretendoi se zonat rezidenciale ishin shënjestruar.