Një gjykatë indiane ka vendosur se shikimi i pornografisë në martesë nuk është arsye për divorc dhe se e drejta për privatësi përfshin autonominë seksuale të gruas.

Vendi më i populluar në botë me 1.4 miliardë banorë mbetet konservator dhe patriarkal dhe roli i grave shpesh kufizohet në rritjen e fëmijëve dhe mbështetjen e burrave të tyre, të cilët kanë për detyrë të kujdesen për familjen.

Gjykata e Lartë e shtetit jugor të Tamil Nadu dha vendimin ndërsa shqyrtonte apelin e një burri të cilit i ishte refuzuar divorci nga një gjykatë më e ulët.

Paditësi kishte paditur gruan e tij, duke e akuzuar atë se ishte e varur nga masturbimi duke parë pornografi.

Gjykata e Lartë e cila hodhi poshtë ankesën e tij, vendosi se "kënaqësia personale nuk është fryt i ndaluar".

" Masturbimi mashkullor njihet botërisht, masturbimi i femrave nuk duhet të stigmatizohet," tha gjykata në vendimin e saj, një kopje e të cilit u pa nga AFP.

Një grua "ruan individualitetin e saj" edhe brenda martesës së saj dhe "identiteti i saj themelor individual dhe femëror nuk është i lidhur me statusin e saj si grua", sipas Gjykatës së Lartë.

Megjithatë, vendimi thekson se varësia ndaj pornografisë është “e gabuar” dhe nuk mund të “justifikohet moralisht” pa shkelur ligjin.

Theksojmë se divorci mbetet tabu në pjesën më të madhe të Indisë, ku vetëm një në 100 martesa përfundon me divorc.