Personi në foto është 35-vjeçari Rikard Andersson, autori i sulmit në një qendër arsimore të të rriturve në Suedi, që shkaktoi gjithsej 11 viktima. 

Sipas TV4, pranë trupit të Anderson është gjetur një pushkë gjuetie, e cila i ka marrë vetë jetën , për të cilën dyshohet se ka pasur leje posedimi.

Anderson, i cili nuk është parë duke punuar që nga viti 2014, përshkruhet si dikush që "kishte probleme të mëdha në shkollë ".

Performanca e tij si student në shkollë cilësohet gjithashtu si "problematike", në një raport të të njëjtit kanal, pasi dyshohet se ai dështoi të gjitha lëndët e semestrit pranveror në vitin e tij të parafundit dhe të gjitha lëndët në vitin e fundit.

Anderson më pas shfaqet duke ndjekur një seminar për njerëzit me sindromën Asperger dhe autizëm. Atje thuhet se ai mori vetëm mësime historie dhe arti.

Sipas të njëjtave burime, 35-vjeçari ishte regjistruar në qendrën e arsimit të të rriturve që sulmoi të martën, duke ndjekur mësimet e matematikës, të cilën nuk e kreu. Siç raporton gazeta Aftonbladet, kursi më i fundit në të cilin shfaqet emri i tij ishte në vitin 2021.

Andersson gjithashtu nuk ka shërbyer në ushtrinë suedeze pasi ai nuk kishte një diplomë të shkollës së mesme, sipas TV4. Të afërmit e përshkruan atë si një njeri "të vetmuar" që kishte pak ose aspak kontakte me familjen e tij për vite me rradhë.