Një aksident i rëndë automobilistik është regjistruar mbrëmjen e sotme në Vlorë. Për pasojë, një 55 vjeçar banues në Mifol, ka gjetur vdekjen.
Ngjarja ka ndodhur në afërsi të Novoselës, ku një automjet ka dalë nga rruga.
Njoftimi:
Rreth orës 19:30, në aksin e vjetër rrugor Panaja–Vlorë, pranë vendit të quajtur “Shamogjin”, një automjet i markës Hundai ka dalë nga rruga.
Si pasojë, drejtuesi i mjetit shtetasi F.H., 55 vjeç, banues në fshatin Mifol, Vlorë, ka ndërruar jetë.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave dhe shkakut të aksidentit.
