Globi

Paralajmërimi nga SHBA: Putin po përgatitet për luftë në shkallë të gjerë me NATO-n

Shkruar nga Liberale
Paralajmërimi nga SHBA: Putin po përgatitet për luftë

Një institut në Shtetet e Bashkuara të Amerikës, “Thinktank”, ka paralajmëruar se Rusia po përgatitet për një luftë në shkallë të gjerë.

“Presidenti i Rusisë, Vladimir Putin ka kërcënuar Finlandën dhe aleancën e NATO-s” dhe po përgatitet për një luftë të ardhshme në shkallë të gjerë”, thuhej në njoftimin e këtij instituti.

Sipas mediave të huaja, Instituti për Studimin e Luftës (ISW) tha se presidenti rus e bëri kërcënimin në një deklaratë që në dukje synon të hedhë poshtë shqetësimet që Moska përbën një rrezik për aleancën ushtarake. Putin po fliste gjatë një interviste me kanalin televiziv shtetëror rus Rossiya 1 të dielën.

ISW tha se ai u përpoq të mohonte paralajmërimin e Joe Biden se Rusia do të sulmonte një vend të NATO-s nëse fitonte luftën në Ukrainë. Megjithatë, ai hodhi akuza se shtetet e NATO-s krijuan konflikt mes Rusisë dhe Finlandës dhe “tërhoqën” Finlandën në aleancë.

“Putin deklaroi se ‘do të ketë probleme’ me Finlandën dhe se anëtarësimi i Finlandës në NATO i shtyu zyrtarët rusë të fillonin formimin e Qarkut Ushtarak të Leningradit (LMD) dhe përqendrimin e njësive ushtarake në Rusinë veriperëndimore,” thuhej në deklaratë. ISW shpjegoi se Rusia aktualisht është duke rindarë Qarkun Ushtarak Perëndimor (WMD) për të reformuar LMD dhe Qarkun Ushtarak të Moskës (MMD). Masa është pjesë e një përpjekjeje afatgjatë ristrukturimi dhe zgjerimi që “synon të përgatisë Rusinë për një luftë konvencionale të mundshme në shkallë të gjerë kundër NATO-s”, tha ai.

Liberale Newsroom

Poll
SHQIPENGLISH