Aktualitet

50 deputetë konservatorë thirrje për dëbimin e menjëhershëm të azilkërkuesve shqiptarë

Shkruar nga Liberale
50 deputetë konservatorë thirrje për dëbimin e

Më shumë se 50 deputetë konservatorë i kanë shkruar Rishi Sunak, duke i thënë se azilkërkuesit nga Shqipëria duhet të kthehen sa më shpejt në vendin e tyre.

Deputetët, të udhëhequr nga ish-ministri i kabinetit, David Davis, argumentojnë se kjo do të zvogëlonte numrin e azilit dhe do të dekurajonte më tej migrantët. Por Amnesty International tha se ideja bie ndesh me konventën e OKB-së për refugjatët dhe vë në rrezik njerëzit që kanë nevojë për azil.

Letra i kërkon Sunak të miratojë një ligj urgjence, që do të thotë se njerëzit nga Shqipëria ose vende të tjera që shihen si të sigurta, duhet të kthehen menjëherë.

Ai thotë se kjo duhet të jetë edhe për ata që pretendojnë se janë trafikuar ose janë viktimë e skllavërisë moderne, duke argumentuar se kjo përdoret nga shumë të ardhur shqiptarë, për të forcuar motivimin e tyre që të fitojnë azil.

Davis i tha Sky Neës se Shqipëria ishte "një vend i sigurt" dhe se njerëzit nuk duhet të lejohen të kërkojnë azil nga frika e persekutimit nga aktorë joqeveritarë, si bandat kriminale.

“Zyra e Brendshme nuk i ka interpretuar saktë ligjet e azilit,” tha Davis. “Çështja është që koha e kthesës për zbarkimin shqiptar në brigjet tona të kthehet nga vite në ditë ose javë.

“Ky është qëllimi dhe ne mendojmë se është e mundur. Nëse nuk e bëjmë këtë, “Home Office” (ministria e brendshme) nuk do të jetë kurrë në gjendje të përballojë numrin e aplikacioneve. Kanë kaluar deri tani 420 ditë për të marrë një vendim. Nëse nuk marrim masa, kjo mund të zgjasë edhe më e gjatë.”

“Nuk jam kurbani i shqiptarëve, si individë. Ajo që dua të bëj është t'i mbyll zbrazëtirat (e ligjeve tona)”, theksoi ai.

Steve Valdez-Symonds, drejtori i programit për të drejtat e refugjatëve dhe migrantëve të Amnesty UK, tha se Davis e kishte gabim në disa pika.

"Duket se ka shumë marrëzi," tha ai. “E para, kërkesa duhet të nisë me vënien në diskutim nëse qeveria juaj nuk është e gatshme ose e paaftë të sigurojë mbrojtje nga persekutimi. Nuk përcakton se cilët duhet të jenë përndjekësit”.

“Mund të jetë krim i organizuar, ose gjakmarrje. Mund të jenë edhe gra që persekutohen nga vetë familjet e tyre. Pyetja është nëse shteti është i aftë dhe i gatshëm të ofrojë mbrojtjen që siguron ligji ndërkombëtar”.

”Pak më shumë se 50% e shqiptarëve iu dha azil në MB, tha Valdez-Symonds, duke shtuar se ishte e gabuar të thuhej se njerëzit e trafikuar mund të ktheheshin në shtëpinë  tyre, “të sigurt”.

"Jo çdo i mbijetuar i trafikimit të qenieve njerëzore është domosdoshmërisht i pasigurt për t'u kthyer," tha ai. “Por, kthimi i dikujt nga ku është trafikuar ka të ngjarë t'i çojë ata në shfrytëzim mizor nga e para, përveç rasteve, nëse ka ndonjë përmirësim të rëndësishëm në rrethanat e tyre në atë vend.”

Përgatiti: Liberale.al/ Burimi "The Guardian"

Liberale Newsroom

Poll
SHQIPENGLISH