WhatsApp ka sjellë një risi të shumëpritur për përdoruesit e saj: mundësinë e transkriptimit të mesazheve zanore në tekst. Ky funksion i ri synon të ndihmojë ata që ndodhen në lëvizje ose në ambiente të zhurmshme, ku dëgjimi i mesazheve zanore mund të jetë i vështirë.

Transkriptimi i mesazheve zanore u jep përdoruesve mundësinë të lexojnë përmbajtjen e një mesazhi në vend që ta dëgjojnë. Gjithashtu, WhatsApp siguron se transkriptet gjenerohen lokalisht në pajisjen tuaj, duke ruajtur privatësinë.

Si ta aktivizoni opsionin?

-Shkoni te Settings dhe zgjidhni seksionin Chats.

-Klikoni mbi opsionin Voice message transcripts dhe aktivizojeni.

-Pasi ta keni aktivizuar, mbani shtypur një mesazh zanor dhe zgjidhni opsionin “transcribe”.

-Disponueshmëria sipas platformave

Përdoruesit e iOS:

-Në iOS 16+, janë të disponueshme gjuhë si anglisht, spanjisht, frëngjisht, gjermanisht, italisht, japonisht, koreane, portugalisht, rusisht, turqisht, mandarine dhe arabisht.

-Në iOS 17+, lista zgjerohet me gjuhë të tjera si danisht, finlandisht, norvegjisht, suedisht, hebraisht dhe tajlandeze.

Përdoruesit e Android:

Për momentin, opsioni mbështet anglishten, portugalishten, spanjishten dhe rusishten, me më shumë gjuhë që do të shtohen në muajt e ardhshëm.

-Jo të gjitha mesazhet zanore mund të transkriptohen në këtë fazë, por WhatsApp po punon për ta përmirësuar funksionin.

Kjo veçori e re premton të bëhet një nga opsionet më të dobishme për përdoruesit në përditshmërinë e tyre.