Studioja arkitekturore “OMA” është shpallur fituese e garës ndërkombëtare për projekt-idenë arkitekturore për rilindjen e stadiumit “Selman Stërmasi”.
Kryetarja e jurisë ndërkombëtare, Amanda Levete, shpalli kompaninë fituese të kësaj gare ndërkombëtare, ndërsa në fazën finale morën pjesë pesë skuadra finaliste që prezantuan para jurisë konceptet arkitektonike për një stadium krejtësisht të ri, sipas standardeve të UEFA-s, kategoria IV, i cili do ta kthejë atë zonë në një qendër të re të Tiranës.
“Përgëzoj qytetin e Tiranës sepse kultura e garave të arkitekturës në Shqipëri tashmë është bërë e rëndësishme. Nuk e di sa me fat jeni që e gjithë kjo kulturë dhe dëshirë për arkitekturën mbështetet nga qeveria dhe gjithë qyteti”, tha ajo.
“Qasjet e ndryshme që ju keni na kanë bërë që të kemi shumë pyetje dhe pikëpyetje në mënyrën se si mund të integrohet në mënyrë të suksesshme një stadium në të gjithë pjesë e qytetit”, tha Levete, ndërsa shtoi edhe disa sugjerime mbi projektin që pritet të realizohet nga studio arkitekturore “Oma”.
“Juria ka disa rekomandime që do donte t’i shihte të zbatuara në projektin e realizuar për të rafinuar formën e fasadave qoftë për interesat tregtare, por edhe ato të stadiumit”, vuri në dukje ajo duke sugjeruar që një nga ndërtesat në vendndodhje të jetë më pak ndërtesë, e më shumë në formën e një kulle sahati apo një obelisku.
“Ishim jo fort të bindur për aktivitetin publik në tarracë dhe sugjerojmë që përdorimi i këtyre hapësirave të bëhet edhe me energji diellore”, pohoi Levete.
Gjatë prezantimit të projekt idesë përfaqësuesi i kompanive që zunë vendin e parë nënvizoi se përmes projektit kërkohet që të ruhet elementi komunitar që ka sot kjo zonë.
“Stadiumi ishte në sfond, por nuk dominon dhe ne besojmë që ndjenja e komuniteti edhe kur të rijetezohët duhet të mbetet. Janë 110 mijë metra zhvillim. Ngjitur me stadiumin duam te ndërtojmë një mjedis urban ku njerëzit të qëndrojnë 24 orë në ditë.
Platforma me vëllime më të mëdha që duke u ngjitur drejt pjesës se tarracës se stadiumit do te krijojë 10 mijë metra hapësire publike. Do te shtojmë hapësira dhe do të kemi mundësi qe sheshi të përdoret dhe gjate ndeshjeve”, tha ai.
Janë katër kulla ku më e lartë 105 metra dhe e dedikuar për banim. Hapësirat parashikojnë 30 mijë m2 hapësirë rezidenciale, hotel 11.9 mijë, zyra 16 700, sporte 15 700, retail 29 700 m2.
