Aktorja e njohur e kinematografisë shqiptare, Margarita Xhepa ndërroi jetë ditën e djeshme në moshën 91-vjeçare.
Trupi i aktores së madhe ka mbërritur në Teatrin Kombëtar të Operas dhe Baletit, ndërsa kanë nisur homazhet në nder të figurës së saj.
Fmiljarë, miq, kolegë, artistë dhe qytetarë të shumtë po marrin pjesë në homazhe, duke i dhënë lamtumirën e fundi aktores së madhe, e cila la një kontribut të çmuar në botën e kinematografisë.
Vlen për t'u theksuar se për dekada me radhë, ‘artistja e popullit’ portretizoi karaktere të panumërta dramatike duke mbetur përjetësisht në kujdesën e artdashësve.
Margarita Xhepa lindi në 2 prill 1934 në qytetin e Lushnjës. Ajo la pas qindra role, për të cilat u nderua me titullin “Nder i Kombit” dhe dekoratën “Gjergj Kastriot Skënderbeu”. Megjithatë, krenarinë më të madhe të jetës konsideronte tre fëmijët që la pas, njëri prej të cilëve, Ndriçim Xhepa, ndoqi hapat e nënës së tij, duke shkëlqyer po aq në skenën e artit shqiptar.
