Aktualitet

Homazhet për Margarita Xhepën/ I biri, Ndriçim Xhepa zbulon pengun e fundit të aktores

Shkruar nga Liberale

Homazhet për Margarita Xhepën/ I biri, Ndriçim Xhepa zbulon

Aktori i njohur Ndriçim Xhepa ka ndarë emocione në homazhet për nënën e tij, aktoren e mirënjohur Margarita Xhepa, e cila u nda nga jeta në moshën 91-vjeçare.

Ai ka treguar për periudhën e fundit të jetës së saj, duke theksuar se “mbylli jetën e saj në mënyrë normale pavarësisht se dy muajt e fundit kishte probleme shëndetësore; lodhjet e viteve bëjnë të vetën.”

Mes të tjerash Xhepa ka ndarë gjithashtu disa mendime mbi natyrën e saj të veçantë: “Kishte një natyrë të çuditshme. Madje, kur binte biseda në momente të shkëputura, kishte vite që thoshte se për skenë nuk kam fuqi, por për filmin kishte dëshirë të bënte edhe një.”

Ai ka përmendur se filmi “Bolero në vilën e pleqve” është vepra që përkon me fundin e jetës së saj, duke e theksuar pasionin e saj të pandalshëm për artin deri në momentet e fundit.

Liberale Newsroom

Poll
SHQIPENGLISH