Një lajm i mirë për të gjithë shqiptarët që udhëtojnë apo jetojnë në Arabinë Saudite. Ministria për Evropën dhe Punët e Jashtme ka lajmëruar se janë përmbyllur procedurat e marrëveshjes për njohjen reciproke të lejeve të drejtimit mes Shqipërisë dhe Mbretërisë së Arabisë Saudite.
Pas përfundimit të procedurave të brendshme ligjore fillimisht nga Shqipëria, Ministria e Punëve të Jashtme e Mbretërisë së Arabisë Saudite ka njoftuar përfundimin e procedurave të brendshme ligjore edhe nga pala e tyre.
Marrëveshja do të hyjë në fuqi 30 ditë pas përfundimit të procedurave.
