Ish-kryeministri Sali Berisha ka publikuar ditën e sotme një foto, të 32-vjeçarit Lear Kurti, i cili humbi jetën pasi u shoqërua nga policia, mbrëmjen e të mërkurës.
Në foto, Lear Kurti shihet teksa është i shtrirë në shtratin e spitalit të Traumës, pas shoqërimit në komisariat, kur 32-vjeçari kishte humbur ndjenjat.
Berisha shprehet se në foto duken edhe hematomat e shkaktuara, goditjet nga ana e uniformave blu.
“Xhelatët që i morën jetën edhe të vdekur e mbajtën të lidhur me hekura Learin! Në foto duken dhe hematomat nga goditjet! Sb”, shkruan Berisha.
