Të ftuara në “Big Brother Radio” me Elona Duro kanë qenë Andeta Radi, motra e Rozana Radi, dhe Sara Jaupaj, mikesha e Gerta Gixhari. Beteja për në finale ka nisur, teksa dy banorë do të jenë përballë njëri-tjetrit për finalistin e parë. Të ndarë sipas divaneve që ata ulen, banorët duhet të zgjidhnin nga një përfaqësues nga divani përballë për të shkuar në nominim. Divani i kuq zgjodhi Rozanën, ndërsa divani blu zgjodhi Gertën. Njëra prej tyre do të shkojë në finalen e madhe të 19 prillit automatikisht, ndërsa tjetra do ta mësojë fatin e saj të shtunën.
Ndaj, duke përfaqësuar Rozanën në panel, a e priste Andeta këtë përballje mes motrës së saj dhe Gertës?
E prisja sepse mendoj, flas për Rozin në këtë rast sepse Gertën nuk e njoh që të flas për Gertën, por Rozit edhe nëse në një të ardhme do t’i binte një kuti pandore isha e sigurtë që do kërkonte të ditle kokë më kokë me Gertën. Rozi ka diçka. Nëse thotë diçka detyrohet që ta mbajë fjalën deri në fund. Edhe kur ajo mendon që ndoshta ka gabuar pak. Do ta çojë gjënë deri në fund dhe pastaj di që të kërkojë edhe falje, por ama gjënë që ka nisur duhet ta përfundojë. E ka pjesë të karakterit këtë. Nuk e ndryshon dot dhe që do të ishin kokë më kokë e prisja.
Po Sara, si e komenton këtë televotim?
Sigurisht që e prisja. E prisja edhe pse sot kam parë disa pasiguri të Gertës me idenë që ‘edhe nëse nuk dal e para kjo nuk do të thotë që unë nuk do ta fitoj Big Brother-in’. Sigurisht ato nuk e dinë se çfarë luhet jashtë. Ato nuk e dinë që janë dy personazhet më të përfolur të momentit të Big Brother-it dhe sigurisht unë kam ardhur si përfaqësuese e Gertës, por e kam thënë që unë Rozanën e vlerësoj shumë për lojën që ka bërë. Sigurisht për Andetën kam një vlerësim shumë të madh.
