Hailey Bieber është në kulmin e suksesit të saj profesional, pasi marka e saj e kozmetikës Rhode është shitur për 1 miliard dollarë kompanisë E.L.F. Beauty. Por, ndërsa karriera e saj po shkëlqen, në jetën personale mund të jetë përballë një sfide serioze një krizë në martesën me këngëtarin Justin Bieber.

Sipas mediave të huaja, çifti nuk ka nënshkruar një marrëveshje paramartesore, e cila do të përcaktonte ndarjen e pasurive në rast divorci. Në mungesë të kësaj marrëveshjeje, ligji amerikan e konsideron çdo pasuri të krijuar gjatë martesës si pronë të përbashkët. Kjo do të thotë se Justin mund të kërkojë një pjesë të fitimeve nga shitja e markës Rhode, edhe pse kompania është krijuar dhe drejtuar nga Hailey.

Ekspertë të fushës ligjore thonë se kjo situatë mund të ketë pasoja serioze ekonomike për Hailey-n, nëse çifti vendos të ndahet. Ndërkohë, Justin nuk ka qenë aktiv në muzikë prej disa vitesh për shkak të problemeve shëndetësore, dhe kjo ka ngjallur shqetësime te miqtë dhe familjarët e Hailey-t, të cilët mendojnë se ajo duhet të mbrojë veten dhe pasurinë e saj.

Marrëdhënia mes çiftit thuhet se ka ndryshuar, edhe për shkak të dallimeve të mëdha në situatën e tyre financiare. Me një pasuri të vlerësuar në rreth 200 milionë dollarë, Justin mbetet një nga artistët më të pasur, por suksesi i fundit i Hailey-t e ka vendosur atë në një nivel të ri.

Nëse martesa nuk i mbijeton këtyre tensioneve, kompania Rhode që për Hailey-n është simbol i përkushtimit dhe punës së saj mund të kthehet në një çështje të ndërlikuar ligjore dhe emocionale. Vetëm koha do të tregojë nëse ky sukses do të forcojë pozitën e saj apo do të sjellë sfida të reja në jetën personale.