Banorët e Big Brother Vip që janë izoluar në “shpellë” kanë biseduar mbrëmjen e kaluar për tema të ndryshme, duke përfshirë avione, aksidente ajrore, dhe arsyen e vdekjes së disa yjeve të njohur të showbizit. Prej këtyre temave, biseda u zhvendos në një diskutim mbi detin dhe ujin.
Në këtë bashkëbisedim, Gjesti ka zbuluar se ka frikë të madhe nga avioni, duke treguar se eksperiencat e tij kanë qenë gjithmonë të këqija për shkak të turbulencave.
Por, frika më e madhe e tij mbetet uji. Ai ka shpjeguar se është i frikësuar nga mundësia që të dalin krijesa të frikshme nga thellësitë e detit, të cilat mund të kafshojnë dhe t’i marrin jetën. Për këtë arsye, ai ka theksuar se në det ai shkon vetëm deri tek gjunjët dhe nuk guxon të futet më thellë, pasi sipas tij uji është i rrezikshëm dhe nuk dihet se çfarë mund të fshihet atje.
