Këngëtarja Anisa Veseli ka ndarë sot një lajm shumë të trishtuar me ndjekësit e saj. Kënga e saj e dashur “Vetmia” është fshirë papritur nga YouTube, pa asnjë njoftim apo shpjegim.
Përmes një postimi në rrjetet sociale, Anisa tregoi se kjo këngë ka qenë shumë e rëndësishme për të, sepse kishte punuar me shumë dashuri dhe përkushtim. Ajo tha se ishte e lidhur emocionalisht me këtë projekt, pasi përmes tij kishte shprehur ndjenja të thella dhe personale.
“Kënga ‘Vetmia’ është shumë e veçantë për mua. Kam derdhur shumë shpirt dhe mund për ta sjellë tek ju. Nuk di pse është fshirë, dhe kjo më ka prekur shumë”, shkroi Anisa.
Ajo tregoi gjithashtu se i gjithë kanali në të cilin ishte publikuar kënga është zhdukur, dhe ende nuk ka marrë ndonjë informacion zyrtar për arsyet.
Në fund, ish-banorja e Big Brother VIP Kosova i falënderoi të gjithë fansat për mbështetjen dhe shpreson që kënga të rikthehet sërish në YouTube.
“Shpresoj që ‘Vetmia’ të kthehet atje ku i përket – pranë jush. Ju falënderoj nga zemra për gjithë mbështetjen”, u shpreh Anisa.
