Nië zyrtar policie, 47 vjeç, u gjet i pajetë sot rreth orës 14:45 në rrugën “Ahmet Korenica” në Prishtinë. Lajmin nga Policia e Kosovës e ka konfirmuar Agron Borovci.
Mediat nga Kosova raporotjnë se Alban Tolaj, polici që u gjet i vdekur është babai i i influenceres së njohur, Elsa Tolaj.
“Rreth orës 14:45, kemi pranuar informatën për një trup të pa jetë, në rrugën ‘Ahmet Korenica’ në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç, zyrtar policor”, tha ai.
“Mbështetur në informacionet e para nga vendi i ngjarje, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe me kujdes të shtuar po shqyrton të gjitha aspektet e rastit për ndriçimin e plotë të rrethanave të kësaj ngjarje tragjike”, ka shtuar Borovci.
"Prive By Liberta Spahiu" ka arritur të konfirmojë që viktima është Alban Tolaj, babai i prezantueses së njohur, Elsa Tolajt.
Ngushëllime familjes!
