Chris Brown është parë në Amsterdam, teksa përgatitej për koncertin e tij të parë pas lirimit me kusht, pas incidentit të shumëpërfolur në një klub nate në Londër, ku këngëtari dyshohet se ishte përfshirë në një sulm me shishe.
Artisti i njohur i muzikës R&B, 36 vjeç, u fotografua në rrugët e kryeqytetit holandez ditën e premte, i veshur me një kapelë të zezë, pantallona cargo jeshile, bluzë bezhë dhe atlete Nike – në një pamje të relaksuar përpara nisjes zyrtare të turneut të tij.
Turneu “Chris Brown” nis më 8 qershor në Amsterdam, për të vazhduar në Gjermani më 11 qershor, dhe përmbyllet me pjesën europiane më 15 qershor në Britani. Ky është rikthimi i tij i parë në skenë pas ngjarjes që tronditi fansat dhe mediat.
Pas lirimit nga paraburgimi muajin e kaluar, në këmbim të një garantie prej 5 milionë paundësh, këngëtari reagoi me një postim në Instagram për 144 milionë ndjekësit e tij:
“Nga qelia në skenë!!!”, shoqëruar me emrin e turneut “Breezybowl”.
Sipas mediave britanike, pasaporta e tij ishte mbajtur nga autoritetet, por gjykata lejoi udhëtimin për shkak të angazhimeve të tij profesionale në Europë, SHBA dhe Kanada.
