Aktori amerikan Jonathan Joss, i njohur për zërin në serialin “King of the Hill” dhe rolin në “Parks and Recreation”, u qëllua për vdekje në Teksas. Burri i tij, Tristan Kern de Gonzales, tha se vrasja ishte një krim urrejtjeje për shkak të orientimit seksual, por policia nuk ka gjetur prova që ta konfirmojnë këtë.
Ngjarja ndodhi kur çifti shkoi të kontrollonte shtëpinë e tyre të vjetër, e cila ishte djegur më parë. Ata gjetën diçka që i tronditi emocionalisht dhe po vajtonin kur një burrë iu afrua, filloi të bërtiste fyerje homofobike dhe më pas qëlloi me armë.
Gonzales tha se Jonathan e shpëtoi jetën duke e shtyrë, por ai vetë mbeti i plagosur dhe vdiq më vonë. Ai tha se Joss ishte shumë i dashur dhe se ishin duke kërkuar një karavan për të jetuar bashkë pas martesës së tyre në Ditën e Shën Valentinit.
