Globi

Këshilli i Sigurimit në OKB i ndarë për luftën në Izrael, asnjë diskutim për vendosjen e paqen

Shkruar nga Liberale
Këshilli i Sigurimit në OKB i ndarë për luftën në

Shtetet anëtare të Këshillit të Sigurimit të Kombeve të Bashkuara dënuan sulmin e papritur në shkallë të gjerë nga grupi islamik palestinez Hamas ndaj Izraelit të dielën.

Pak para takimit, SHBA u kishte bërë thirrje të gjitha vendeve anëtare që të dënojnë me forcë "aktet e tmerrshme të terrorizmit të Hamasit kundër popullit të Izraelit dhe qeverisë së tij".

“Shumica e vendeve i dënuan sulmet e Hamasit. Por me sa duket, jo të gjithë”, kritikoi zëvendësambasadori amerikan në OKB, Robert Wood., duke folur për shtypin pas takimit.

“Me siguri mund të dalloni se cili ishte, pa ju thënë se cili ishte”, vazhdoi ai, me sa duket duke aluduar për Rusinë, marrëdhëniet e së cilës me Perëndimin kanë arritur në një pikë kritike që nga pushtimi i territorit ukrainas nga ushtria ruse në shkurt 2022.

Organi ndërkombëtar është thellësisht i ndarë për çështjen izraelito-palestineze dhe disa anëtarë kishin shpresuar se do të propozohej një tekst që do të shkonte përtej dënimit të Hamasit.

"Mesazhi im ishte në favor të një përfundimi të menjëhershëm të luftimeve, një armëpushim dhe fillimin e negociatave", tha ambasadori rus në OKB Vassily Nebenzia.

Homologu i tij kinez Zhang Jun, nga ana e tij, dënoi të gjitha sulmet kundër civilëve, duke këmbëngulur në nevojën për t'u kthyer në procesin e paqes që palët të arrijnë një zgjidhje me dy shtete.

Izraeli "ka një kërkesë dhe të vetme" për t'i bërë OKB-së, tha ambasadori i vendit në Kombet e Bashkuara, Gilad Erdan, para takimit: "Krimet e luftës së Hamasit duhet të dënohen pa asnjë paqartësi, këto mizori të paimagjinueshme duhet të dënohen".  Izraeli pret mbështetje për "të drejtën e tij për të mbrojtur veten," vazhdoi ai.

Është "e trishtueshme që për disa media dhe disa politikanë, historia nuk fillon derisa të vriten izraelitët", u kundërpërgjigj ambasadori palestinez në OKB Riyad Mansour, i cili përfaqëson Autoritetin Palestinez - jo Hamasin.

“Ne kurrë nuk do të pranojmë retorikën që mohon humanizmin tonë dhe mohon të drejtat tona, retorikën që injoron pushtimin e tokës tonë dhe shtypjen e popullit tonë”, shtoi ai. “Kjo nuk është koha për ta lënë Izraelin të këmbëngulë në zgjedhjet e tij të tmerrshme. Është koha për t'i thënë Izraelit të ndryshojë kursin dhe se ka një rrugë drejt paqes, në të cilën nuk do të vriten as palestinezët dhe as izraelitët"./Liberale.al

Liberale Newsroom

Poll
SHQIPENGLISH