Një 74-vjeçari i identifikuar si Lefter Toli, është gjetur i vdekur ditën e sotme në Kuçovë.
Trupi i tij u gjet pa shenja jete nga banorët e fshatit Kozare, te cilët kanë njoftuar më pas policinë. Pas gjetjes, trupi është identifikuar nga familjarët e tij, të cilët kanë pohuar se kjo ishte rruga që ai bënte çdo ditë pasi shkonte për peshkim.
Mësohet se në trupin e 74-vjeçarit nuk janë konstatuar shenja dhune dhe paraprakisht dyshohet se vdekja e tij mund të jetë shkaktuar si pasojë e një arresti kardiak.
Ndërkohë që viktima është transportuar drejt Morgut të Spitalit Rajonal Berat kur do ti kryhet autopsia mjeko-ligjore, burime zyrtare të policisë konfirmojnë se po punohet për dokumentimin e plotë të kësaj ngjarjeje.
