Në muajt e tij të fundit në arrati, udhëheqësi i grupit të Shtetit Islamik Abu Bakr al-Bagdadi ishte i trembur ndaj tradhëtarëve dhe dhe rrinte maskuar si një bari, shkruan The Associated Press.
Shkrimi i The Associated Press:
Bashkëpunëtorët e tij kanë thënë se ai ishte i fiksuar për sigurinë dhe mirëqenien e tij dhe duke u përpjekur të gjejë siguri në qytete dhe shkretëtira në Sirinë lindore, pranë kufirit irakian.
Në fund udhëheqësi braktisi zonat e ISIS-it, duke “rrëshqitur” në territorin armiqësor në provincën veri-perëndimore të Idlib-it të Sirisë, të drejtuar nga rivalët e grupit radikal të lidhura me al-Kaidën.
Ai nuk agjëronte dhe për muaj të tërë, ai mbajti një adoleshente “yazide” si skllave.
Vajza, e cila u la e lirë në një sulm të udhëhequr nga SHBA-ja në maj. Adoleshentja qëndroi për katër muaj në shtëpinë e vjehrrit të al-Baghdadit, një ndihmës i ngushtë i quajtur Abu Abdullah al-Zubaie.
Al-Bagdadi e vizitonte shpesh dhe e përdhunonte dhe herë pas here edhe e rrihte.
Ai lëvizte vetëm natën, duke veshur atlete dhe duke mbuluar fytyrën, gjithmonë me rreth pesë burra sigurie që e quanin “sheik”.
“Kur e pyesja për ndonjë gjë, ai nuk më jepte përgjigje për arsye sigurie. Jo të gjithë e dinin se ku ishte”, tha vajza.
