Ish-ministri shqiptar i Ekonomisë në Maqedoninë e Veriut, Kreshnik Bekteshi është arrestuar nga policia, pasi akuzohet se institucioni që ai drejtonte i kishte dhënë licencën e falsifikuar diskotekës në Koçan ku humbën jetën 59 persona dhe u plagosën 159 të tjerë.
Kryeprokurori Koçevski ka kërkuar paraburgim për Bekteshin.
Nga ana tjetër, BDI dhe LSDM thonë se rasti nuk duhet të politizohet, por të hetohen të gjitha institucionet që mund të lidhen me rastin në fjalë.
Sot në Koçan ka patur protestë për të kërkuar drejtësi për tragjedinë si dhe nesër pritet të protestohet në ora 18.00 në Qendër të Shkupit.
