Personi në foto është 41-vjeçari Muhamet Matoshi, i cili u vra me plumb në kokë, mbrëmjen e djeshme në fshatin Hajvali, Prishtinë.
Mësohet se një konflikt i çastit për një vend parkimi, është bërë shkak për ngjarjen e rëndë. Gjatë një debati, shtetasi Xhemajl Nuhiu mori një armë zjarri dhe e qëlloi në kokë Matoshin.
Ndonëse ky i fundit u dërgua me urgjencë në QKUK, fatkeqësisht mjekët konstatuan se ai kishte ndërruar jetë.
Pas krimit të rëndë, i dyshuari u largua me makinën “Mercedes” në drejtim të paditur dhe ende vijon të jetë në arrati. Për rastin janë marrë në pyetje disa dëshmitarë, ndërsa hetimet për kapjen e autorit vazhdojnë.
