Një ngjarje e rëndë ka tronditur mbrëmë qytetin e Prishtinës. Rreth orës 22:00, në lagjen Hajvali, një person është qëlluar me armë zjarri dhe për pasojë ka humbur jetën.
Viktima, i identifikuar me inicialet M.M., është dërguar me urgjencë në Qendrën Klinike Universitare të Kosovës, por për fat të keq, mjekët kanë konstatuar vdekjen e tij.
Policia e Kosovës ka publikuar foton e autorit të dyshuar, i cili është identifikuar si Xhemail Bajram Nuhiu. Ai është në arrati që nga momenti i ngjarjes.
Policia ka kërkuar ndihmën e qytetarëve për të lokalizuar vendndodhjen e tij dhe kapjen sa më të shpejtë të autorit. Çdokush që ka informacion mund të kontaktojë në:
Email: [email protected]
Aplikacioni Android: Lajmero Policinë
Telefon: 192
Autoritetet po vazhdojnë hetimet dhe u bëjnë thirrje qytetarëve të bashkëpunojnë në këtë rast të rëndë.
